- 524 -

1421. Jan. 19. Liegnitz.

Herzog Ludwig verleibdinget seiner Gemahlin Elisabeth das Fürstenthum Liegnitz und die Stadt Goldberg mit Weichbild.

Wir Ludowig gotis genaden herczog in Slesien czum Brige vnd czu Legnicz bekennen vnd thun kunth offinlich mit desim briue allen den, die en sehen adir horen lesen, als dann der durchlauchtigiste furste vnd herre herre Sigmund, Romischer konig, czu allen czeiten merer des reichs, czu Hungern, Dalmacien, Croacien etc., vnd czu Behemen konig, vnsir allirgenedigste herre mit willen des durchlauchtigesten fursten vnd hirren, hirren Frydrichen, marggrafen czu Brandenburg, erczkamerer des heiligen Romischen reichs vnd burggrafen czu Nurenberg vnsirs herren vnd liben vaters, die hochgeborne fürstinne vnd frawe frawen Elizabeth, vnsir liben gemahel czu dem sacrament der heiligen ee gegebin hat vnd vns domete czu rechter metegifft mit der obgenanten vnsir liben gemahel dreysig tawsint Reynischer guldin genediclich bericht hot, hierumb mit sunderlichem rate vnd wissen vnsir eldisten liben getrawen, czu rechter bestatunge, morgengobe vnd leipgedinges habin wir gegebin vnd vorschriben, gebin wir vnd vorschreyben vor vns, vnsir erbin vnd nachkomen in crafft dises briues der obgenanten hochgebornen furstynne frawen Elizabeth vnsir liben gemahel das slosz, lande vnd stete Legnicz vnd Goltperg mit allen vnde iczlichen eren czugehorungen, mit allen eren hirschafften, manschafften, lehen, czugefellen, leensangefellen, mit allen dorffern, vorwercken, ackern, weiden, wesen, heyden, poschen, jagethen, mit allen den slossen, gegeten, die czu den obgenanten landen vnd steten gehoren, wassern, wasserleufften, greniczen, mit allen den teichen, seen vnd fischereyen, mit den molen, czinsen, geschassern, wo die yczund gelegin sint adir noch in czukunfftigen ceyten wir dorczu brengen mochten, wie dy sundirlichen namen hetten, mit allen nuczparkeyten vnd czugehorungen, woran die seyn adir gesein mochten, keins ausgeczogen vor sechczig tausint guter Reynischer guldin czu rechter morgengobe vnd leipgedinges, recht als gewonheyt ist, vnd wer sache, das sich bey vnsirm leben adir noch vnsinn tode in vnsir liben gemahel leipgedingis ichtis von lehens angefeile vorstorben hette, vorstorbe adir vorfallen mochte, als lehens recht ist, denn so mag vnd sal die obgenante vnsir liben gemahel czu sulcher lehens angefeilen, die sich bey vns adir in erem leipgedinge vorstorben vnd vorfallen hetten, dorczu halden vnd sich der mit furstlichem rechte vndirczihen in foller macht an allen abeslag vnd abegang eres obgenanten geldes sechczig tausent guldin eres leipgedinges, domethe czu thun vnd czu lassen, geistlich adir wertlichen lewten czuuorgebin, czuuorsetczin, czuuorkeuffin vnd czu sulchen kirchen rechten vnd werntlichen freyheyten czuuorschreyben, wir ir daz allerbeste gesein czu nocz vnd czu staten komen mag, von vnseren erben vnd rechten nachkomen gancz vngehinderth. Dorczu so sullen auch vnsir erbin vnd rechten nachkomen an den obgenanten vnsirn landen vnd steten Legnicz vnd Goltperg von keynerley gerechtikeyt wegin eris erbrechtis adir angefellis, das sie daran wartende mochte in czukunfftigen czeyten die obgenante vnsir libe gemahel in keyne weyse betruben, nach infeile machen, nach sich in erem leipgedinge an den landen, mannen vnd steten vnd eren czugehorungen noch lewten mit keynerley gewalt, gebot, gedrangk, heyschunge adir forderunge vndirczeihen, sundir vnsir libe gemahel sal die obgenanten lande vnd stete Legnicz vnd Goltperg mit allen eren manschafften vnd czugehorungen gancz von allir beswerunge, macht, gewalt vnd vorderungen von vnsen erben vnd nachkomen haben, halden vnd besitczen geruglich czu erem leypgedinge gancz vngehindirt bisz so lange, bisz die obgenante vnsir libe gemahel von vnseren erben vnd nochkomen der obgenanten sechczig tausent Reynischer guldin gancz vnd gar vngehindirt gutlich beczalit vnd bericht werde vnd so vnser erben vnd nachkomen auch sulch beczalunge gethan haben, denne so sal vnser obgenante libe gemahel daz slosz, lande, stete Legnicz vnd Goltberg mit allen czugehorungen an allis wedirsprechen ledigklichen abetreten. Zu sulcher obgenanten vorschreybunge, morgengabe vnd leipgedingis in alle der mosse, als denn obengeschriben stet, haben die gestrengen vnd woltuchtigen, vnser manschafft der lande, burgermeyster vnd rathmanne, eldisten vnd gesworen vnd ere gemeynde der stad Legnicz vnd der stat Goltperg, vnsir liben getrawen, vor sich vnd ere nachkomen gewillet vnd gelibet vnd dobey erem rechten leipgedinge holdunge gethan, nach vnserm tode getraw vnd gewere czu sein vnd vor ere frawe czuhaldin czu erem rechten leipgedinge in alle der mosse als obengeschriben stet. Mit vrkunde dises czu rechtem bekentnisz mit vnsirm grosen ingesigel vorsigelt am sontage vor Agnethis, noch Crists geborth virczenhundirt dornach in dem eynvndczwenczigisten jare. Dobey sint gewest vnsir liben getrawen hirre Hannos von Parchwicz, hirre Nickel Stewicz, herre Heincze von Alcznaw, herre Jorge von Schellindorf, herre Fritsche von Landiscrone, rittere, Hannos Gawen, Petsche von Reddern, Heinrich Prippticz, Heincze Poser, Conrad Brockendorff, Andris Geythan, Hannos Heseler, Hannos Girdan, Petsche Hertil, Pauel von der Heyde, Hannos Kelner, Conrad Schultis, Langehannos vom Goltperg vnd Johannes Bawde von Cruczeburg vnsir schreyber, desir briff warth ym enpfolen.

Bitschens Privilegb. f. CCVIIb. — Gedruckt, ohne Zeugen, bei Thebes. II, 272.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866